ប៉ូលិសក្លែងក្លាយ ដេញចាប់ប៉ះចំអធិការរងខណ្ឌម្នាក់ ត្រូវសមត្ថកិច្ចឃាត់បាន៤នាក់

ចេញផ្សាយដោយ៖ www.kehaktomporknm.com.kh on January 22, 2026

 

ភ្នំពេញ ៖ ក្រុមប៉ូលីសក្លែងក្លាយអស់ល័ក្ខ ក្រោយស្ទាក់ឃាត់ខ្លួន ប៉ះចំលោកអធិការង ត្រូវសមត្ថកិច្ចក្របួចបាន៤នាក់។

ហេតុការណ៍នេះបានកើតឡើងកាលពីវេលាម៉ោង១១យប់ ថ្ងៃទី២១ ខែមករា ឆ្នាំ២០២៦ ទីតាំងកើតហេតុ ស្ថិតនៅចំណុចផ្លូវបំបែកស្តុប២០០៤ កែងមហាវិថីសហព័ន្ធរុស្សី សង្កាត់កាកាប១ ខណ្ឌពោធិសែនជ័យ រាជធានីភ្នំពេញ៕

សូមអានបន្ត

ឯកឧត្តម នាយឧត្តមសេនីយ៍ ទៀ សីហា ជំរុញឱ្យរដ្ឋបាលខេត្តកោះកុង ផ្តោតសំខាន់លើការបណ្តុះបណ្តាលធនធានមនុស្ស បច្ចេកវិទ្យា និងបោសសម្អាតបទល្មើសបច្ចេកវិទ្យា ដើម្បីឆ្លើយតបនឹងការអភិវឌ្ឍន៍,

ចេញផ្សាយដោយ៖ www.kehaktomporknm.com.kh on January 17, 2026

(កោះកុង)៖ នៅក្នុងឱកាសអញ្ជើញជាអធិបតីបិទសន្និបាតបូកសរុបលទ្ធផលការងារឆ្នាំ២០២៥ និងលើកទិសដៅឆ្នាំ២០២៦ របស់រដ្ឋបាលខេត្តកោះកុង នាថ្ងៃទី១៧ ខែមករា ឆ្នាំ២០២៦ ឯកឧត្តម នាយឧត្តមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និងជាប្រធានក្រុមការងាររដ្ឋាភិបាលចុះមូលដ្ឋានខេត្តកោះកុង បានដាក់ចេញនូវអនុសាសន៍គន្លឹះមួយចំនួន ដើម្បីជំរុញប្រែក្លាយខេត្តកោះកុងឱ្យកាន់តែមានសក្ដានុពល និងសុវត្ថិភាព ព្រមទាំងការរីកចំរើនបន្តរទៀតទៅអនាគត។

ឯកឧត្តម ឧបនាយករដ្ឋមន្ត្រី បានសង្កត់ធ្ងន់លើចំណុចអាទិភាពមួយចំនួន ដែលរដ្ឋបាលខេត្តត្រូវយកចិត្តទុកដាក់៖
-គឺរដ្ឋបាលខេត្តត្រូវបង្កើនការបណ្តុះបណ្តាលអភិវឌ្ឍធនធានមនុស្សលើគ្រប់វិស័យ ជាពិសេសការជំរុញវិស័យអប់រំ និងការចាប់យកបច្ចេកវិទ្យាឌីជីថល ដើម្បីឆ្លើយតបទៅនឹងការវិវត្តនៃសេដ្ឋកិច្ចទំនើប។ ត្រូវពង្រឹងស្ថេរភាព សុខសន្តិភាព និងសុវត្ថិភាពនយោបាយឱ្យបានរឹងមាំ ដោយត្រូវមានវិធានការក្ដៅក្នុងការលុបបំបាត់ល្បែងស៊ីសងតាមអនឡាញ ការឆបោកតាមប្រព័ន្ធបច្ចេកវិទ្យា និងទប់ស្កាត់ការរីករាលដាលនៃព័ត៌មានក្លែងក្លាយ ដែលបង្កភាពវឹកវរក្នុងសង្គម។ បន្តពង្រឹងការ គ្រប់គ្រងដីធ្លីឱ្យមានប្រសិទ្ធភាព លើកកម្ពស់គុណភាពសេវាសុខាភិបាល និងបង្កើនការផ្សព្វផ្សាយសក្ដានុពលទេសចរណ៍ខេត្តកោះកុងទៅកាន់ពិភពលោក។ ត្រូវធានាអោយបានថា ការផ្តល់សេវាជូនប្រជាពលរដ្ឋមានភាពរហ័ស តម្លាភាព និងគ្មានការរើសអើង ដើម្បីបង្កើនភាពជឿជាក់រវាងរដ្ឋបាល និងប្រជាជន។
ឯកឧត្តម បានគូសបញ្ជាក់ដែរថា ការពង្រឹងសមត្ថភាពមន្ត្រី និងការការពារសន្តិសុខគ្រប់ជ្រុងជ្រោយ គឺជាគ្រឹះដ៏សំខាន់ក្នុងការបម្រើប្រជាពលរដ្ឋ និងទាក់ទាញភ្ញៀវទេសចរ ការវិនិយោគមកកាន់ខេត្តជាប់មាត់សមុទ្រមួយនេះអោយកាន់តែច្រើនបន្ថែមទៀត។
ឆ្លៀតក្នុងឱកាសនោះដែរ ឯកឧត្តម ទៀ សីហា បានថ្លែងការកោតសរសើរចំពោះកិច្ចខិតខំប្រឹងប្រែងរបស់មន្ត្រីរាជការគ្រប់លំដាប់ថ្នាក់ក្នុងឆ្នាំកន្លងមក និងបានជំរុញឱ្យបន្តស្មារតីសាមគ្គីភាព ដើម្បីសម្រេចបាននូវទិសដៅការងារឆ្នាំ២០២៦ ប្រកបដោយជោគជ័យ និងផ្លែផ្កាជូនជាតិមាតុភូមិ៕

ដោយអគ្គនាយកដ្ឋានទស្សន៍ជាតិ

សូមអានបន្ត

ឯកឧត្តម ទេសរដ្ឋមន្រ្តី គន់ គីម ថ្លែងថា អាជ្ញាធរបានរៀបចំស្បៀងឱ្យបានគ្រប់គ្រាន់ជូនជនភៀសសឹកដែលបន្តនៅមណ្ឌលសុវត្ថិភាព

ចេញផ្សាយដោយ៖ www.kehaktomporknm.com.kh on January 17, 2026

នៅថ្ងៃទី១៦.១៧ ខែមករា ឆ្នាំ២០២៦ ឯកឧត្តមកិត្តិសង្គហបណ្ឌិត គន់ គីម ទេសរដ្ឋមន្រ្តី អនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយ បានអញ្ជើញចុះសួរសុខទុក្ខ និងពិនិត្យស្ថានភាពជនភៀសសឹក ដែលមិនទាន់អាចត្រឡប់ទៅលំនៅដ្ឋាន នៅមណ្ឌលសុវត្ថិភាព ក្នុងស្រុកថ្មពួក ខេត្តបន្ទាយមានជ័យ។

នាឱកាសនេះ ឯកឧត្តមកិត្តិសង្គហបណ្ឌិត គន់ គីម សូមកោតសរសើរដល់អាជ្ញាធរខេត្តដែលបានខិតខំយកចិត្តទុកដាក់ និងដោះស្រាយនូវតម្រូវការចាំបាច់នៃការស្នាក់នៅមណ្ឌលសុវត្ថិភាព ការផ្តល់តង់ ស្បៀង និងបន្ទប់ទឹកស្អាត។

អំឡុងចុះពិនិត្យតាមបណ្តាមណ្ឌលសុវត្ថិភាព ឯកឧត្តម ទេសរដ្ឋមន្រ្តី គន់ គីម អនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយ មានប្រសាសន៍ថា បើទោះបីស្ថានភាពជម្លោះព្រំដែនបច្ចុប្បន្នស្ថិតក្នុងការអនុវត្តបទឈប់បាញ់, សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី និងជាប្រធានគណៈកម្មាធិការជាតិគ្រប់គ្រងគ្រោះមហន្តរាយ បានណែនាំដល់ក្រសួង-ស្ថាប័ន និងអាជ្ញាធរគ្រប់ជាន់ថ្នាក់ត្រូវមានការយកចិត្តទុកដាក់ពីសុខទុក្ខប្រជាជនភៀសសឹកដែលនៅតាមបណ្តាមណ្ឌលសុវត្ថិភាព។

ឯកឧត្តម ទេសរដ្ឋមន្ត្រី បានវាយតម្លៃខ្ពស់ និងកោតសរសើរចំពោះអាជ្ញាធរខេត្ត កងកម្លាំងប្រដាប់អាវុធ និងមន្ត្រីពាក់ព័ន្ធទាំងអស់ ដែលបានបន្តអនុវត្តបទបញ្ជារបស់រាជរដ្ឋាភិបាល ដើម្បីឆ្លើយតបចំពោះការបន្តស្នាក់នៅមណ្ឌលសុវត្ថិភាពរបស់ជនភៀសសឹក ព្រមទាំងការផ្គត់ផ្គង់ស្បៀងអាហារ សម្ភារៈប្រើប្រាស់ និងការស្នាក់នៅបានយ៉ាងសមរម្យ។

ឯកកឧត្តម ទេសរដ្ឋមន្រ្តី បានសង្កត់ធ្ងន់ថា ខណៈពេលដែលវីរកងទ័ពកំពុងឈរជើងយ៉ាងរឹងមាំនៅតាមព្រំដែន ដើម្បីការពារបូរណភាពទឹកដី ក្រោមការដឹកនាំដ៏ឈ្លាសវៃរបស់ សម្តេចធិបតី នាយករដ្ឋមន្ត្រី រាជរដ្ឋាភិបាលក៏មិនដែលធ្វេសប្រហែសក្នុងការការពារសមរភូមិក្រោយ ពោលគឺការធានាសុខសុវត្ថិភាព និងអាយុជីវិតរបស់ប្រជាពលរដ្ឋគ្រប់រូបតាមមណ្ឌលសុវត្ថិភាពគឺជាអាទិភាពខ្ពស់បំផុត។

សូមជម្រាបថា គិតមកទល់ថ្ងៃនេះមានជនភៀសសឹកសរុបចំនួន ៤៣,៩៨៥នាក់ ស្មើនឹង ១៣៧,៧៧២នាក់ នៅមណ្ឌលសុវត្ថិភាពសរុបចំនួន ១០០កន្លែង៕

ប្រភពអគ្គនាយកដ្ឋានព័ត៌មាននិងសល់ទស្សន៍

សូមអានបន្ត

ឯកឧត្ដម ឃឹម វុទ្ធី ដឹកនាំយកអំណោយ និងថវិការជូនដល់វីរកងទ័ពជួរមុខនៅតំបន់ប្រាសាទព្រះវិហារ

ចេញផ្សាយដោយ៖ www.kehaktomporknm.com.kh on January 09, 2026

នៅរសៀលថ្ងៃទី០៨ខែមករា ឆ្នាំ២០២៦ ឯកឧត្ដម ឃឹម វុទ្ធី អគ្គនាយក នៃអគ្គនាយកទូរទស្សន៍ជាតិកម្ពុជា បានដឹកនាំក្រុមការងារ និងមន្រ្តីនៃអគ្គនាយកដ្ធានទូរទស្សន៍ជាតិកម្ពុជា និងដោយមានការចូលរួមពីតំណាងក្រុមហ៊ុនសំអាងវឌ្ឍនៈ បានយកអំណោយផ្ដល់ជូនវីរកងទ័ពជួរមុខ ដែលបានឈរជើងនៅតំបន់ប្រាសាទព្រះវិហារ។

ឯកឧត្ដម ឃឹម វុទ្ធី បានលើកទ្បើងថា ការពលិកម្មដែលពុំអាចកាត់ថ្លៃបានរបស់យុទ្ធជនកម្ពុជា គឺដើម្បីបុព្វហេតុការពារជាតិ មាតុភូមិ និងសុខសន្តិភាពរបស់ប្រជាពលរដ្ឋខ្មែរទូទាំងប្រទេស និងជាគំរូវីរភាពដែលយុវជន និងប្រជាពលរដ្ឋខ្មែរគ្រប់រូបនឹងចងចាំជានិច្ចនូវគុណូបការៈដ៏ថ្លៃថ្លាក្នុងមនសិការស្នេហាជាតិដ៏ឧត្តុង្គឧត្តមនេះ។ ជាការដឹងគុណនូវគំរូវីរភាពដ៏អង់អាចរបស់យុទ្ធជនពលីគ្រប់រូប រាជរដ្ឋាភិបាលក្រោមការដឹកនាំរបស់សម្តេចមហាបវរធិបតី ហ៊ុន ម៉ាណែត តែងតែគិតគូរនិងយកចិត្តទុកដាក់ជានិច្ច ហើយបានរៀបចំដោះស្រាយគោលនយោ បាយ ឧបត្ថម្ភទ្រទ្រង់ជីវភាពជូនក្រុមគ្រួសារសពបានយ៉ាងសមរម្យបំផុត។ ឯកឧត្តម គូសបញ្ជាក់ថា ប្រជាជាតិខ្មែរគ្រប់ មជ្ឈដ្ឋានទាំងក្នុងប្រទេស និងក្រៅប្រទេស ត្រូវរួបរួមគ្នាជាធ្លុងមួយយ៉ាងរឹងមាំ បន្តជឿជាក់ និងផ្តល់កម្លាំងចិត្តដល់វីរកងទ័ពជួរ មុខ ព្រមទាំងគាំទ្រ និងជឿជាក់លើការដឹកនាំរបស់ សម្តេចតេជោ ហ៊ុន សែន អគ្គភស្តុភារកំពូល និងសម្តេចធិបតី ហ៊ុន ម៉ាណែត ក្នុងការការពារបូរណភាពទឹកដី មិនឱ្យបាត់បង់ទឹកដីពីការឈ្លានពានរបស់សត្រូវឡើយ។ ឯកឧត្តមបានអំពាវនាវដល់បងប្អូនទូទាំងប្រទេស បើទោះបីជាមានបទឈប់បាញ់ក៏ពិតមែន សូមមេត្តានូវតែបន្តការរួបរួមគ្នា ជួយគ្នាក្នុងស្មារតីខ្មែរតែមួយ សម្រាប់ការផ្គត់ផ្គង់បណ្ដោះអាសន្នដល់ បងប្អូនដែលមានផលប៉ះពាល់ និងជាពិសេសវិរកងទ័ពជួរមុខ ដែលលោកបានខិតខំ មិនរុញរាដើម្បីការពារបូរណភាពទឹកដី កម្ពុជាត្រូវការតែសុខសន្តិភាព មិនរំលោភបំពានអ្នកណាទ្បើយ។

សូមបញ្ជាក់ថាអំណោយដែលបានយកជូននូវពេលនេះមានបីទីតាំង និងត្រូវបានប្រគល់ជូន
១ លោកវរៈសេនីយ៍ឯក ម៉ែន លី មេបញ្ជាការរង សឹករងខេត្តព្រះវិហារ
២ វរៈសេនីយ៍ទោ កាន់ ប៊ុននាង នាយសេនាធិការរងកងពលតូចអន្តរាគមន៍លេខ៩
៣ អនុសេនីយ៏ឯក មាន សុភ័ក្ត្រ នាយរងផ្នែកលេខាដ្ឋាន កងពលតូចថ្មើរជើងលេខ41 ឈរជើងប្រយុទ្ធនៅ ចំណុចដើមប្រេងខ្យល់ ច្រកអន្តរជាតិជាំ សមរភូមិទិសទី2 យោធភូមិភាគទី4 ស្រុកអន្លង់វែងខេត្តឧត្តរមានជ័យ៕

ដោយ អគ្គនាយកដ្ឋានទូរទស្សន៍ជាតិ

សូមអានបន្ត

ចេញផ្សាយដោយ៖ www.kehaktomporknm.com.kh on January 08, 2026

 ស្វាយរៀង៖ផ្តើមចេញពីការគិតគូរជាប់រៀងរហូតមក សម្តេចកិត្តិសង្គហ បណ្ឌិត ម៉ែន សំអន ឧត្តមប្រឹក្សាផ្ទាល់ព្រះ មហាក្សត្រ និងជាប្រធានក្រុម ប្រឹក្សាជាតិរណសិរ្សសាមគ្គី អភិវឌ្ឍន៍មាតុភូមិកម្ពុជា កាលពីព្រឹកថ្ងៃទី៨ ខែមករា ឆ្នាំ២០២៦បានអញ្ជើញសាកសួរសុខទុក្ខគ្រួសារវីរកងទ័ព វីរនគរបាល និងប្រជាជនភៀសសឹកចំនួន៤៦៧គ្រួសារនៅ ស្រុករមាស ហែក ខេត្តស្វាយរៀង។

ក្នុងពិធីសំណេះសំណាលសាកសួរសុខដោយមានវត្តមានចូលរួមពីលោកជំទាវបណ្ឌិតសភាចារ្យ ភឿង សកុណា រដ្ឋមន្ត្រី ក្រសួងវប្បធម៌ និងវិចិត្រ សិល្បៈនិងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តស្វាយរៀង, ឯកឧត្តម សុខ សូកេន រដ្ឋមន្ត្រីក្រសួងអធិការកិច្ច និងជាប្រធានក្រុម ការងាររាជរដ្ឋាភិបាលចុះមូលដ្ឋានស្រុករមាសហែក និងលោក ជំទាវ, ឯកឧត្តម ម៉ែន វិបុល ប្រធានក្រុមប្រឹក្សាខេត្តស្វាយរៀង ព្រមទាំងថ្នាក់ ដឹកនាំ មន្រ្តីរាជការជាច្រើនរូបផង សម្តេច កិត្តិសង្គហបណ្ឌិត ម៉ែន សំអន ឧត្តមប្រឹក្សាផ្ទាល់ព្រះ មហាក្សត្រ បានថ្លែងទៅកាន់គ្រួសារវីរកងទ័ព វីរនគរបាលនូវការដឹងគុណចំពោះវីរភាពរបស់កងទ័ព នគរបាល ដែលបានលះបង់គ្រួសារទៅបំពេញភារកិច្ចការពារមាតុភូមិប្រកបដោយ ទឹកចិត្តក្លាហាន។ដឹងគុណដល់វីរកងទ័ព វីរនគបាល ដែលបានលះបង់ សាច់ស្រស់ ឈាមស្រស់ ដើម្បីជាតិមាតុភូមិ ។

សម្ដេចក៏បានកោតសរសើរការចូលរួមរបស់ប្រជាជនគ្រប់ ស្រទាប់ វណ្ណៈ ក្នុងនាមជាអ្នកជួរ ក្រោយ ដែលបានលះបង់ក ម្លាំង កាយ ចិត្តមិនខ្លាចនឿយ ហត់ គាំទ្រដល់ភាព ដ៏អង់អាច របស់ វីរកងទ័ព វីរនគរបាលជួរមុខយ៉ាង សស្រោកសស្រាំ ។

សម្ដេច ម៉ែន សំអន ក៏បានរំលឹកផងដែរក្នុងរយៈពេល ២១ថ្ងៃកន្លងទៅដោយសារការវាយប្រហារពីកងយោធាថៃបាន ជំរុញ ឱ្យប្រជាពលរដ្ឋខ្មែរជាច្រើនបានក្លាយជាជនភៀសសឹកនៅលើទឹកដីរបស់ខ្លួន ក្នុងនេះក៏មានជនភៀសសឹក មក ដល់ ខេត្តស្វាយរៀងផងដែរ។ ក្នុងស្ថានភាពនេះសម្ដេច ម៉ែន សំអន បានកោតសរសើរដល់ក្រុមការងារ រាជ រដ្ឋាភិបាលចុះមូលដ្ឋានខេត្តស្វាយរៀង ក្នុងនេះ ក៏មាន ឯកឧត្តម សុខ សូកេន ប្រធានក្រុមការងាររាជរដ្ឋាភិបាលចុះមូលដ្ឋានស្រុករមាសហែក ដែលបានបំពេញ ការងារ មូលដ្ឋានបានយ៉ាងល្អ និងបានរួមសហការ ជាមួយនឹងក្រុមការងារចុះមូលដ្ឋាន ក៏ដូចជាការកៀងគរនូវស្បៀង អាហារ និងសម្ភារៈមួយចំនួនធំ ឧបត្ថម្ភដល់ជនភៀសសឹកព្រមទាំងក្រុម គ្រួសារវីរកងទ័ព វីរនគរបាលក្នុងថ្ងៃនេះ។

ក្នុងឱកាសដដែលនេះសម្តេចកិត្តិសង្គហបណ្ឌិត ម៉ែន សំអន បាន បន្តលើកទឹកចិត្តឱ្យបងប្អូនទាំងអស់ខិតខំ សាមគ្គីគ្នា ជាធ្លុងមួយ និងបន្តជឿជាក់លើរាជរដ្ឋាភិបាល ក្រោមការដឹកនាំរបស់ សម្តេចតេជោ ហ៊ុន សែន ប្រធានព្រឹទ្ធសភា ,សម្តេច ធិបតី ហ៊ុន ម៉ាណែត នាយករដ្ឋមន្ត្រី ដើម្បីការពារបូរណភាពទឹកដី រួមសុខទុក្ខជាមួយវីរកងទ័ព វីរនគរបាល និងប្រជាជន គ្រប់រូប។

សម្ដេច ម៉ែន សំអន និងថ្នាក់ដឹកនាំក្រុមការងាររាជរដ្ឋាភិបាល ពិសេសក្រុម ការងារស្រុករមាសហែកបាននាំនូវអំណោយមានស្បៀងអាហារ សម្ភារៈប្រើប្រាស់ទៅចែកជូន គ្រួសារចូលរួមចំនួន ៤៦៧គ្រួសារមាន អង្ករ ទឹកសុទ្ធ មី ពងមាន់ ឃីតមួយកញ្ចប់មាន៖ មុង ក្រមា សារុង សាប៊ូកក់សក់ ច្រាសដុសធ្មេញ ថ្នាំដុសធ្មេញ សាប៊ូដុសខ្លួន សាប៊ូបោកខោអាវ និងថវិកាមួយចំនួន៕

សូមអានបន្ត

សម្តេចពិជ័យសេនា ទៀ បាញ់ និងឯកឧត្តម នាយឧត្តមសេនីយ៍ ទៀ សីហា អញ្ជើញសួរសុខទុក្ខ វីរយុទ្ធជនការពារបូរណភាពទឹកដីដ៏អង់អាចក្លាហាន ដែលរងរបួសកំពុងសម្រាកព្យាបាលនៅមន្ទីរពេទ្យព្រះកេតុមាលា រាជធានីភ្នំពេញ

ចេញផ្សាយដោយ៖ www.kehaktomporknm.com.kh on January 05, 2026

សម្តេចពិជ័យសេនា ទៀ បាញ់ ឧត្តមប្រឹក្សាផ្ទាល់ព្រះមហាក្សត្រ និង  ឯកឧត្តម នាយឧត្តមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ ព្រមទាំងលោកជំទាវ នាព្រឹកថ្ងៃទី ៥ ខែមករា ឆ្នាំ២០២៦ បានអញ្ជើញសួរសុខទុក្ខ វីរយុទ្ធជនការពារបូរណភាពទឹកដីដ៏អង់អាចក្លាហាន ដែលរងរបួសកំពុងសម្រាកព្យាបាលនៅមន្ទីរពេទ្យព្រះកេតុមាលា រាជធានីភ្នំពេញ។

សម្តេចពិជ័យសេនា ទៀ បាញ់ និងឯកឧត្តម នាយឧត្តមសេនីយ៍ ទៀ សីហា បាននាំប្រសាសន៍ផ្តាំផ្ញេីសួរសុខទុក្ខ និងជូនពរដ៏ខ្ពង់ខ្ពស់បំផុតរបស់សម្តេចអគ្គមហាសេនាបតីតេជោ ហ៊ុន សែន ប្រធានឧត្តមប្រឹក្សាផ្ទាល់ព្រះមហាក្សត្រនិងជាប្រធានព្រឹទ្ធសភាភា សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន និងសម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា និងលោកជំទាវបណ្ឌិត សូមឱ្យវីរកងទ័ពឆាប់ជាសះស្បេីយ និងមានកម្លាំងមាំមួនឡេីងវិញ។

នៅក្នុងឱកាសសួរសុខទុក្ខនេះ សម្តេចនិង ឯកឧត្តម នាយឧត្តមសេនីយ៍ បាននាំយកអំណោយជាគ្រឿង ឧបភោគបរិភោគ និងថវិកា ជូនដល់វីរៈកងទ័ពវីរៈនគរបាល ដែលកំពុងសម្រាកព្យាបាល និង បានកោតសរសើរខ្ពស់ នូវវីរៈភាពដ៏អង់អាចក្លាហានឈរជើង ការពារជាតិមាតុភូមិ និងការលះបង់ដេីម្បីការពារបូរណភាពទឹកដីពីសំណាក់យោធាថៃ និងបានផ្តល់អំណោយ ជូនមន្ទីរព្រះកេតុមាលា ដើម្បីបម្រើការក្នុងមន្ទីរពេទ្យជូនដល់យោធិន ក្រុមគ្រួសារយោធិន និងប្រជាជនទូទៅ ដែលមកសម្រាកព្យាបាលជម្ងឺ និងរបួស។ រាជរដ្ឋាភិបាលកម្ពុជា បានអំពាវនាវ និង ជំរុញឲ្យភាគីថៃ គោរពឲ្យបានម៉ឺងម៉ាត់ ស្មោះត្រង់ និងដោយសុច្ឆន្ទៈពិតប្រាកដ នូវសេចក្តីថ្លែងការណ៍រួមស្តីពីកិច្ចព្រមព្រៀងសន្តិភាពរវាងកម្ពុជា និងថៃ។

តាមរយៈសកម្មភាពដ៏វិសេសវិសាលនេះ បានបង្ហាញយ៉ាងច្បាស់អំពីការគិតគូរ យកចិត្តទុកដាក់បំផុតរបស់រាជរដ្ឋាភិបាលកម្ពុជាជូនវីរកងទ័ព ក្នុងនោះឯកឧត្តម នាយឧត្តមសេនីយ៍ ទៀ សីហា បានសង្កត់ធ្ងន់នូវការប្តេជ្ញាចិត្តរបស់ខ្លួនថា៖ "មិនដែលបោះបង់កងទ័ពរបស់យើងណាម្នាក់ចោលនោះឡើយ មិនថាក្នុងកាលៈទេសៈណាក៏ដោយ" នឹងបានមានប្រសាសន៍ផ្តាំផ្ញើរដល់ វីរយុទ្ធជន ដែលរងរបួសកំពុងសម្រាកព្យាបាលនៅមន្ទីរពេទ្យព្រះកេតុមាលា សូមសម្រាកឲ្យបានច្រើន ញុំាឲ្យបានគ្រប់គ្រាន់ ស្តាប់តាមវេជ្ជបញ្ជារបស់ក្រុមគ្រូពេទ្យឲ្យបានត្រឹមត្រូវ និង សូមជូនពរឲ្យបងប្អូនឆាប់ជាសះពីរបួស ដើម្បីឆាប់បានវិលត្រឡប់ទៅលំនៅឋានជួបជុំក្រុមគ្រួសារវិញនៅពេលខាងមុខ ៕

ដោយអគ្គនាយកដ្ឋានព័ត៌មាននិងសោតទស្សន៍

សូមអានបន្ត